- Advertisement -
نوابشاهه جي دهشتگردي ٽوڙ عدالت چوٽياريون واقعي بابت ايس ايس پي سانگهڙ طرفان جوڙيل جي آءِ ٽي رد ڪري جواب طلب ڪندي گرفتار نون جوابدارن کي پنجن ڏينهن جي رمانڊ تي پوليس حوالي ڪري ڇڏيو.
دهشتگردي ٽوڙ عدالت ۾ چوٽياريون واقعي ڪيس جي ٻڌڻي ٿي.
ٻڌڻي دوران پوليس گرفتار نون جوابدارن کي عدالت ۾ پيش ڪيو.
گرفتار جوابدارن ۾ محمد شريف، اوڀايو راڄڙ، صدام حسين، احمد راڄڙ، خان راڄڙ، گاجي راڄڙ، صادق جتوئي، اميد علي ۽ محمد علي جتوئي شامل آهن.
ٻڌڻي دوران جاچ آفيسر ولي محمد ڀنڀرو عدالت ۾ پيش ٿيو.
عدالت ايس ايس پي سانگهڙ تي ڪاوڙ جو اظهار ڪندي شوڪاز نوٽيس جاري ڪري ڇڏيو.
عدالت رمارڪس ڏيندي چيو آهي ته ايس ايس پي کي جي آءِ ٽي جوڙڻ جا ڪي اختيار نه آهن، جي آءِ ٽي رڳو گهرو کاتو يا بااختيار اختياريون جوڙي سگهن ٿيون.
عدالت گرفتار جوابدارن کي پنجن ڏينهن جي رمانڊ تي پوليس حوالي ڪندي ٻڌڻي 6 فيبروري تائين ملتوي ڪري ڇڏي.
چوٽياريون واقعي جي ڪيس ۾ جوابدار ڄاڻايل ايس ايڇ او غلام محمد سهتو کي پوليس کاتي معطل ڪري ڇڏيو.- Advertisement -
