نوابشاهه: چوٽياريون واقعي جي آءِ ٽي جوڙڻ تي ايس ايس پي سانگھڙ عدالت ۾ پيش

چوٽياريون واقعي جي غير قانوني جي آءِ ٽي جوڙڻ تي ايس ايس پي سانگھڙ نوابشاهه جي عدالت ۾ پيش ٿيو. ايس ايس پي سانگهڙ کي عدالت پاران جي آءِ ٽي جوڙڻ تي شوڪاز نوٽيس جاري ڪيو ويو  هو. ايس ايس پي سانگهڙ غلام نبي ڪيريو دھشتگردي ٽوڙ عدالت ۾ جواب جمع ڪرائي ڇڏيو. ايس ايس پي جواب ۾ لکيو ته هن واقعي جِي جي آءِ ٽي نه پر مددگار ٽيم جوڙي آهي، هن وقت تائين رڳو 9 جوابدار گرفتار ٿيا آهن، وڌيڪ گرفتاري ناهي ٿي. ايس ايس پي جواب ۾ لکيو ته عطاءُ الله جوڻيجي جي گرفتاري لاءِ ڇاپا هنيا پيا وڃن، جلد  کيس گرفتار ڪيو ويندو. واضح رهي ته ايس ايس پي سانگهڙ کي عدالت پاران جي آءِ ٽي جوڙڻ تي شوڪاز نوٽيس جاري ڪيو ويو  هو.