نگران وزيراعظم انوار الحق ڪاڪڙ پاران ڪابينا جو اهم اجلاس طلب

نگران وزيراعظم انوار الحق ڪاڪڙ جي صدارت هيٺ وفاقي ڪابينا جو اهم اجلاس ٿي رهيو آهي. ذريعن جو چوڻ آهي ته نگران وفاقي ڪابينا جو اهم اجلاس شام ساڍي چئين وڳي ٿيندو. ذريعن موجب، اجلاس دوران امن امان جي صورتحال بابت غور ڪيو ويندو. ذريعن جو چوڻ آهي ته ڪابينا اجلاس ۾ ملڪ جي معاشي ۽ اقتصادي صورتحال جو به جائزو ورتو ويندو جڏهن ته نگران وزيراعظم پنهنجي پرڏيهي دورن بابت ڪابينا کي اعتماد ۾ وٺندو. ذريعن جو وڌيڪ چوڻ آهي ته اجلاس ۾ ملڪ اندر ٿيل تازي دهشتگردي تي غور ويچار ڪيو ويندو ۽ امن امان جي صورتحال بهتر بڻائڻ لاءِ اهم فيصلا پڻ ڪيا ويندا.