نگران وزير  عمر سومرو پاران سينٽ پيٽرڪ ڪيٿڊرل اينڊ ڊيوسين چرچ هائوس جو دورو

قانون ۽ مذهبي معاملن واري نگران وزير  عمر سومرو پاران سينٽ پيٽرڪ ڪيٿڊرل اينڊ ڊيوسين چرچ هائوس جو دورو ڪيو ويو. ان موقعي تي قانون ۽ مذهبي معاملن واري نگران وزير عمر سومرو، بيني ميريو ۽ فريڊرڪ جوهن بشپ سان ملاقات ڪئي. ملاقات ۾ صوبائي وزير کي ڪورنگي ۾ زمين تي قبضي ۽ مسيحي برادريءَ جي ٻين مسئلن کان آگاهه ڪيو ويو. نگران وزير عمر سومري جو چوڻ هو ته ڪورنگي ۽ ٻين علائقن مان عيسائي برادريءَ جي ملڪيتن تان قبضا ختم ڪرايا ويندا. نگران وزير چيو ته سنڌ حڪومت تعليم جي شعبي ۾ مسيحي برادريءَ جي ڀرپور مدد ڪندي.