هيليڪاپٽر حادثي ۾ ايراني صدر ابراهيم رئيسي، پرڏيهي وزير ۽ ٻين جي فوت ٿيڻ جي افسوس ٿيو آهي: بلاول ڀٽو زرداري

پ پ چيئرمين بلاول ڀٽو زرداري چيو آهي ته هيليڪاپٽر حادثي ۾ ايراني صدر ابراهيم رئيسي، پرڏيهي وزير ۽ ٻين جي فوت ٿيڻ جي افسوس ٿيو آهي. بلاول ڀٽو زرداري، آصفه ڀٽو زرداري ۽ وڏي وزير سيد مراد علي شاهه سان گڏ  ايراني قونصل خاني پهتو، جتي هن هيليڪاپٽر حادثي سبب ايراني صدر ابراهيم رئيسي ۽ پرڏيهي وزير نون ڄڻن جي فوت ٿيڻ تي ايراني قونصل جنرل حسن نورين سان  تعزيت ڪئي. ان موقعي تي ڳالهائيندي بلاول ڀٽو زرداري چيو ته هيليڪاپٽر حادثي ۾ ايراني صدر ابراهيم رئيسي، پرڏيهي وزير ۽ ٻين جي فوت ٿيڻ جي دلي افسوس ٿيو آهي، ڏک جي گهڙيءَ ۾ هو سوڳوار خاندانن ۽ ايراني عوام سان گڏ آهن. آصفه ڀٽو زرداري چيو ته سندن دعائون ۽ نيڪ خواهشون شهيدن جي سوڳوار خادانن ۽ ايران جي عوام سان گڏ آهن. وڏي وزير سيد مراد علي شاهه چيو ته ڏک جي گهڙيءَ ۾ هو سوڳوار خاندانن ۽ ايراني عوام سان تعزيت ڪن ٿا، پاڪستان قوم ايران صدر ابراهيم رئيس يجي شهادت تي ڏکاري آهي. بلاول ڀٽو زرداري، آصفه ڀٽو زرداري ۽ وڏي وزير سيد مراد علي شاهه ايراني سفارتخاني ۾ مهمانن جي ڪتاب ۾ تعزيتي تاثر پڻ لکيا.