- Advertisement -
والاريل گولان تي حملي کانپوءِ اسرائيل ۽ لبنان جي ويڙهاڪ تنظيم حزب الله وچ ۾ ڇڪتاڻ تيز ٿي وئي آهي، آمريڪا به ڌماڪي جو الزام حزب الله مٿان هڻي ڇڏيو آهي.
وائيٽ هائوس جو چوڻ آهي ته آمريڪا اسرائيل جي سلامتي جي مڪمل حمايت ڪري ٿو، گولان حملي کانپوءِ هو اسرائيل ۽ لبنان سان مسلسل رابطي ۾ آهن.
اسرائيلي ميڊيا موجب اسرائيل لبنان جي گادي واري شهر بيروت تي حملي جي تياري ڪري ڇڏي آهي، اسرائيلي وزيراعظم نيتن ياهو بچاءُ واري وزير کي راڪيٽ حملا ڪرڻ جي اجازت ڏئي ڇڏي آهي.
اسرائيلي ميڊيا موجب اسرائيلي ڪابينا جي اجلاس ۾ فيصلو ڪيو ويو ته اسرائيلي فوج لبنان ۾ حزب الله خلاف محدود پر مضبوط ايڪشن کڻندي.
ٻي پاسي ايران اسرائيل کي خبردار ڪيو آهي ته لبنان تي حملي جي ڪابه غير ذميواراڻي مهم جوئي خطي ۾ جنگ ۽ عدم استحڪام ۾ واڌ جو سبب بڻجي سگهي ٿي….- Advertisement -
