- Advertisement -
وزيراعظم شهباز شريف جي صدارت هيٺ وفاقي ڪابينا جو اجلاس اڄ ٿيندو جنهن لاءِ 11 نڪاتي ايجنڊا جاري ڪيو ويو آهي.
ذريعن موجب وفاقي ڪابينا اجلاس ۾ ملڪ جي مجموعي سياسي ۽ سڪيورٽي صورتحال تي خيالن جي ڏي وٺ ڪئي ويندي جڏهن ته نيشنل ايڪشن پلان جي ايپڪس ڪميٽي جي فيصلن منظوري ڏني ويندي.
اجلاس ۾ خوراڪ واري عالمي اداري جي اسپيئر پارٽس جي شپمينٽ افعانستان موڪلڻ لاءِ اين او سي جي منظوري سميت پير روشن انسٽيوٽ آف پروگريسو سائنسز اينڊ ٽيڪنالاجيز جي ڊائريڪٽر جي مقرري جي منظوري ڏني ويندي.
ايجنڊا موجب ڪابينا مذهبي معاملن واري وزارت ۽ سعودي اسلامي معاملن واري وزارت وچ ۾ مفاهمتي ياداشت تي صحيحن جي منظوري ڏيندي ان کان علاوه فريڪوئنسي ايلوڪيشن بورڊ جي ايگزيڪيوٽو ڊائريڪٽر جي مقرري جي منظوري به ايجنڊا جو حصو آهي جڏهن ته اجلاس ۾ مالي سال 23-2022ع جي قومي اقتصادي ڪائونسل جي سالياني رپورٽ تي به غور ڪيو ويندو.
اجلاس ۾ ڪابينا اِي سي سي، سي سي ايل سي ۽ رياستي ادارن بابت ڪابينا ڪميٽي جي فيصلن جي منظوري به ڏيندي…..- Advertisement -
