وزيراعظم شهبازشريف، ٻيو ڀيرو صدر چونڊجڻ تي آصف علي زرداريءَ کي واڌايون ڏنيون

وزيراعظم شهبازشريف، ٻيو ڀيرو صدر چونڊجڻ تي آصف علي زرداريءَ کي واڌايون ڏنيون آهن. جاري ڪيل بيان ۾ شهبازشريف چيو ته سينيٽ، قومي اسيمبلي  ۽ چئني صوبن جي چونڊيل ميمبرن آصف علي زرداريءَ تي اعتماد جو اظهار ڪيو آهي. هن چيو ته آصف زرداري وفاق جي مضبوطيءَ جي علامت هوندو، اميد ته آصف علي زرداري پنهنجون آئيني ذميواريون سهڻي نموني نڀائيندو. شهبازشريف چيو ته آصف علي زرداريءَ جي صدر طور چونڊ جمهوري قدرن جو تسلسل آهي، اتحادي پارٽيون گڏجي پاڪستان جي ترقي ۽ خوشحالي لاءِ محنت ڪنديون