وزيراعظم شهبازشريف، گيس جي اگهن ۾ تازي اضافي تي ڪاوڙ جو اظهار ڪندي آڊٽ رپورٽ طلب ڪري ورتي

وزيراعظم شهبازشريف، گيس جي اگهن ۾ تازي اضافي تي ڪاوڙ جو اظهار ڪندي آڊٽ رپورٽ طلب ڪري ورتي آهي. ذريعن موجب وزيراعظم شهبازشريف توانائيءَ واري وزارت کي هڪ کان ٽن مهينن ۾ سورهن ٽاسڪ مڪمل ڪرڻ جي هدايت ڏني، جڏهن ته هڪ مهيني ۾ گيس جي اگهن ۾ اضافي جي فارنزڪ آڊٽ جي رپورٽ پيش ڪرڻ جي به هدايت ڪئي وئي. وزيراعظم گيس جي اگهن ۾ تازي اضافي تي ڪاوڙ جو اظهار ڪندي ٽن مهينن ۾ گيس انفرااسٽرڪچر، گيس چوري ۽ خراب ڪارڪردگي جي رپورٽ پيش ڪرڻ جي هدايت ڪئي. ذريعن موجب اوگرا ۽ گيس ڪمپنين جي ڪارڪردگيءَ جو جائزو وٺڻ جو به فيصلو ڪيو ويو آهي، ان کانسواءِ پاڪ ايران گيس پائپ لائن منصوبي جي مانيٽرنگ لاءِ فوري طور بين الوزارتي ڪميشن قائم ڪرڻ جي هدايت ڪئي وئي. وزيراعظم هڪ مهيني ۾ سرپلس بجلي کي کپائڻ لاءِ نئون انڊسٽريل زون تيار ڪرڻ جو پلان پيش ڪرڻ به هدايت ڪئي….