وزيراعظم شهبازشريف سان پ پ چيئرمين بلاول ڀٽو زرداريءَ جي ملاقات

وزيراعظم شهبازشريف سان پ پ چيئرمين بلاول ڀٽو زرداريءَ ملاقات ڪئي آهي. پ پ چيئرمين بلاول ڀٽو زرداريءَ وفد جي صورت ۾ وزيراعظم شهبازشريف سان ملاقات ڪئي، وفد ۾ راجا پرويز اشرف، سينيٽر شيري رحمان، نيئر بخاري، نديم افضل چن ۽ سيد علي قاسم گيلاني شامل هئا. ملاقات دوران ملڪ جي موجوده سياسي ۽ معاشي صورتحال تي ڳالهيون ڪيون ويون. پ پ جي وفد غزا امن معاهدي ۾ پاڪستان جي ڪردار تي وزيراعظم کي ڀيٽا پيش ڪئي. ان موقعي تي وزيراعظم شهبازشريف چيو ته پ پ سندن اتحادي پارٽي آهي، جنهن سان لاڳاپن کي هو احترام  ۽ قدر جي نظر سان ڏسن ٿا. ملاقات ۾ نائب وزيراعظم اسحاق ڊار، بچاءَ وارو وزير خواجه آصف، وفاقي وزير احسن اقبال، راڻا تنوير،  عطا تارڙ، راڻا مبشر اقبال، راڻا ثناءُ الله ۽ پنجاب اسيمبلي جو اسپيڪر ملڪ احمد خان به موجود هئا.