ناليواري اداڪاره هانيا عامر گڏيل قومن جي قومي خير سگالي سفير مقرر

گڏيل قومن پاڪستان جي مشهور اداڪارا هانيا عامر کي پنهنجو نئون قومي خير سگالي سفير مقرر ڪيو آهي. تنظيم موجب، هانيا عورتن جي حقن، برابري ۽ بااختيار بڻائڻ لاءِ شعور پکيڙڻ ۾ اهم ڪردار ادا ڪندي. انسٽاگرام تي پوسٽ ۾ چيو ويو آهي ته هانيا عامر پنهنجي نئين ڪردار تحت پنهنجي پليٽ فارم ذريعي شعور پکيڙڻ، عملي قدمن جي حوصلا افزائي ڪرڻ ۽ ملڪ ۾ عورتن ۽ ڇوڪرين جي آواز کي وڌيڪ سگهارو بڻائڻ ۾ مدد ڪندي. هانيا عامر عورتن لاءِ برابري ۽ بااختيار بڻائڻ کي پنهنجي اولين ترجيح قرار ڏيندي چيو ته هر ڇوڪريءَ کي پنهنجن خوابن کي پورو ڪرڻ جو حق هجڻ گهرجي.