وزيراعظم شهباز شريف اڄ هڪ ڏينهن جي دوري تي ڪراچي پهچي رهيو آهي

وزيراعظم شهباز شريف اڄ هڪ ڏينهن جي دوري تي ڪراچي پهچندو، اڄ رٿيل وفاقي ڪابينا جو اجلاس ڪراچي دوري سبب ملتوي ڪيو ويو. ذريعن موجب، وزيراعظم شهباز شريف اڄ هڪ ڏينهن جي دوري تي ڪراچي پهچي رهيو آهي، ڪابينا جا ميمبر به وزيراعظم شهباز شريف سان گڏ هوندا، وزيراعظم قائد اعظم جي مزار تي حاضري ڀريندو. وزيراعظم شهباز شريف مراد علي شاهه سان وزيراعليٰ هائوس ۾ ملاقات ڪندو، جڏهن ته ن ليگ جا اڳواڻ به وزيراعظم سان ملاقات ڪندا. ذريعن جو چوڻ آهي ته وزيراعظم شهباز شريف سنڌ جي گورنر ڪامران ٽيسوري سان به ملاقات ڪندو، ملاقات ۾ صوبي جي سياسي ۽ امن امان جي معاملن تي خيالن جي ڏي وٺ ڪئي ويندي جڏهن ته ڪراچي جي منصوبن بابت کيس بريفنگ ڏني ويندي. وزيراعظم شهباز شريف ڪراچي چيمبر آف ڪامرس جي عهديدارن ۽ واپاري برادري سان به ملاقاتون ڪندو.