پ پ چيئرمين بلاول ڀٽو زرداري چيو آهي ته وفاقي آئيني عدالت ٺاهڻ قائد اعظم محمد علي جناح جو خواب هو، سڀ کان پهريان وفاقي آئيني عدالت جي تجويز قائداعظم محمد علي جناح پيش ڪئي هئي.
بلاول ڀٽو زرداري چيو ته قائداعظم محمد علي جناح پهريون ڀيرو وفاقي آئيني عدالت جا تفصيل 27 آڪٽوبر 1931ع تي لنڊن ۾ منعقد گول ميز ڪانفرنس ۾ پيش ڪيا.
بلاول ڀٽو زرداري چيو ته قائداعظم محمد علي جناح جي اها تجويز تقريبن پ پ طرفان پيش ڪيل تجويز سان هڪجهڙائي رکي ٿي.
پ پ چيئرمين چيو ته قائداعظم جو چوڻ هو ته وفاقي آئين سان لاڳاپيل يا آئين بابت جيڪي به سوال اٿن، ان کي وفاقي عدالت ۾ وڃڻ گهرجي.
بلاول ڀٽو زرداري جو چوڻ هو ته قائداعظم هڪ ئي عدالت کي “وفاقي قانون” تي سمورا اختيار ڏيڻ جي به مخالفت ڪئي هئي.
بلاول ڀٽو زرداري جو چوڻ هو ته قائد اعظم گول ميز ڪانفرنس ۾ چيو هو ته اهي ڄاڻين ٿا ته هي ماهرن جو دور آهي ۽ ڀارت ۾ اهي اڃا ان سطح تي نه پهتا آهن.
بلاول ڀٽو زرداري چيو ته پيپلز پارٽي جي تجويز قائداعظم محمد علي جناح جي تجويز کانپوءِ جرمني جي 1949ع جي بنيادي قانوني سان به هڪجهڙائي رکي ٿي جنهن وفاقي آئيني عدالت قائم ڪئي.
