وفاقي حڪومت توشاخانا ڪيس ۾ لاهور هائيڪورٽ جي حڪمن خلاف داخل درخواست واپس وٺي ڇڏي

وفاقي حڪومت توشاخانا ڪيس ۾ لاهور هائيڪورٽ جي حڪمن خلاف داخل درخواست واپس وٺي ڇڏي.

سپريم ڪورٽ ۾ توشاخانا تحفن جي نيلامي بابت ڪيس جي ٻڌڻي ٿي.

ٻڌڻي دوران اٽارني جنرل چيو ته هو توشاخانا نئي رولز جي روشني ۾ درخواست واپس وٺڻ چاهن ٿا، توشاخانا تحفن بابت نئون قانون منظوري لاءِ صدر وٽ آهي.

جسٽس اطهر من الله چيو ته رولز تي نه وڃو توشاخانا تي پهريان ئي گهڻي شرمندگي ٿي چڪي آهي.

جسٽس اطهر من الله چيو ته رولز جي ڳالهه ڪندا ته سوال اٿندا ڪهڙي قانون تحت قانون ٺاهيا آهن قانون جي ڳالهه کي رهڻ ڏنو درخواست واپس وٺڻي آهي ته ائين ئي واپس وٺو