- Advertisement -
وفاقي ڪابينا، چيمپئنز ٽرافي لاءِ فول پروف سڪيورٽي لاءِ فوج مقرر ڪرڻ جي منظوري ڏني آهي.
ڪابينا آرٽيڪل 245 تحت فوج مقرر ڪرڻ جي منظوري ڏني، رينجرز ۽ ٻيون فورسز به سڪيورٽي تي مقرر هونديون.
چيمپئنز ٽرافي جي ميچن لاءِ پاڪ فوج، هٿياربند فورسز، پوليس ۽ قانون لاڳو ڪندڙ ادارا گڏيل سڪيورٽي جا فرض سرانجام ڏيندا.
چيمپئنز ٽرافي لاءِ ٻارهن فيبروري کان ٽيمون پاڪستان پهچي رهيون آهن، پي سي بي پنجاب ۽ سنڌ جي درخواست تي سڪيورٽي جي منظوري ورتي وئي.
گهرو وزارت ٽيمن کي فول پروف سڪيورٽي لاءِ ادارن ۽ صوبائي گهرو کاتن کي هدايتون جاري ڪري ڇڏيون آهن.
چيمپئنز ٽرافي لاءِ ايندڙ ٽيمن کي صدارتي سطح جي سڪيورٽي فراهم ڪئي ويندي.- Advertisement -
