وڏي وزير مراد علي شاهه حيدرآباد ۾ پوليو ڪيس ظاهر ٿيڻ جو نوٽيس وٺندي صحت کاتي کان رپورٽ طلب ڪري ورتي.
وڏي وزير مراد علي شاهه صحت کاتي کي هدايت ڪندي چيو آهي ته پوليو ڪيس جي جاچ رپورٽ فراهم ڪئي وڃي.
هن چيو ته کين متحد ٿي ڪري معذور ڪندڙ مرض پوليو جو خاتمو ڪرڻو پوندو.
وڏي وزير مراد علي شاهه جو چوڻ هو ته جڏهن ڪو پوليو جو نئون ڪيس ظاهر ٿيندو آهي ته کيس گهڻي تڪليف ٿيندي آهي.
وڏي وزير مراد علي شاهه جو چوڻ هو ته دنيا ترقي جا نوان رستا ڳولي رهي آهي ۽ هو پوليو مان ڇوٽڪارو حاصل ناهن ڪري سگهيا.
وڏي وزير والدين کي اپيل ڪئي ته اهي پنهنجي ٻارن کي رضاڪاراڻي طور پوليو جا قطرا لازمي پيارين.
هن چيو ته پوليو کان بچاءَ جي مهم دوران پنهنجي ٻارن کي قطرا پياريو ۽ معذور ٿيڻ کان بچايو.
وڏي وزير مراد علي شاهه چيو ته صحت کاتو پوليو جي خاص مهم شروع ڪري، پوليو کان بچاءَ جي گهر گهر مهم کي وڌيڪ اثرائتو بڻايو وڃي
