يو اي اي ۾ برساتن تباهي مچائي ڇڏي

يو اي اي ۾ برساتن تباهي مچائي ڇڏي، برساتن سبب فلائٽ آپريشن معطل ڪيو ويو، جڏهن ته ميٽرو اسٽيشنز به ٻڏي ويون. دبئي ۽ ابوظهبي ۾ طوفاني برساتون سومر جي رات کان جاري آهن، جڏهن ته جاري ڪيل نئين ايڊوائزري ۾ برسات، کنوڻ ۽ ڳڙو پوڻ جي به اڳڪٿي ڪئي وئي آهي . ميڊيا رپورٽس موجب شديد برساتن سبب دبئي ايئرپورٽس تي فلائٽ شيڊول متاثر آهي ۽ دبئي ۾ ڪيترا ئي اهم روڊ طوفاني برساتن سبب ٻڏي ويا . موسميات کاتي جو چوڻ آهي ته برساتن جو سلسلو اربع تائين جاري رهندو. دبئي ۽ ابوظهبي ۾ ڪيترن اهم روڊن کي بند ڪيو ويو آهي، جڏهن ته ڪيتريون ئي اسٽيشنز به ٻڏي ويون. اختيارين عوام کي هدايت ڪئي آهي ته غير ضروري طور گهرن کان ٻاهر نه نڪري ۽ مسافر فلائٽ شيڊول ڏسي ايئرپورٽ اچن ..