ٽنڊوالهيار ۾ ملهه پهلوان علي حسن خاصخيلي کي پلاند ۾ قتل ڪرڻ جو انڪشاف

ٽنڊوالهيار ۾ ملهه پهلوان علي حسن خاصخيلي کي پلاند ۾ قتل ڪرڻ جو انڪشاف ٿيو آهي، پوليس قتل ۾ ملوث مک جوابدار کي گرفتار ڪري اڻڄاتل هنڌ منتقل ڪري ڇڏيو. ايس ايس پي ابريز عباسي طرفان جوڙيل ٽيم ٻن ڪلاڪن اندر واقعي جي جاچ ڪري قتل ۾ ملوث مک جوابدار مجاهد گوپانگ کي گرفتار ڪري ورتو آهي. ايس ايس پي جو چوڻ آهي ته واقعو پراڻي دشمني لڳي رهي آهي، جاچ ڪئي پئي وڃي ڪجهه گرفتاريون ڪيون آهن، جلد حقيتون سامهون اچي وينديون. ٻئي پاسي ٻڌايو پيو وڃي ڪجهه سال اڳ مير گوپانگ نالي شخص قتل ٿي ويو هو جنهن جو الزام خاصخيلي برادري مٿان لڳو هو، اڄ پلاند م ملهه علي حسن خاصخيلي کي قتل ڪيو ويو.