پاڪستان افغان ڌرتي تي دهشتگرد ٽولن خلاف تصديق جوڳي ڪارروائي جو مطالبو ڪري ڇڏيو

پاڪستان افغان ڌرتي تي دهشتگرد ٽولن خلاف تصديق جوڳي ڪارروائي جو مطالبو ڪري ڇڏيو، پرڏيهي آفيس جي ترجمان تصديق ڪئي آهي ته بچاءَ واري وزير خواجا آصف جي قيادت ۾ اعليٰ سطحي وفد دوحا پهچي ويو آهي جيڪو افغان طالبان جي نمائندن سان ڳالهيون ڪندو. پرڏيهي آفيس جي ترجمان چيو ته پاڪستان ۽ افغان طالبان وچ ۾ دوحا ۾ ڳالهيون ٿي رهيون آهن، ڳالهين ۾ افغانستان جي ڌرتي تان ٿيندڙ دهشتگردي جي فوري خاتمي بابت ڳالهيون ٿينديون. شفقت علي خان چيو ته پاڪستان قطر جي ٽياڪڙي جي ڪوششن کي ساراهيندي چيو آهي ته ڳالهيون خطي ۾ امن ۽ استحڪام لاءِ اهم اڳڀرائي آهن. سندس چوڻ هو ته پاڪستان ڪنهن ڇڪتاڻ جو خواهشمند نه آهي، علاقائي امن ۽ استحڪام لاءِ پرامن حل چاهي ٿو. پرڏيهي آفيس جي ترجمان چيو ته افغان طالبان کي پنهنجي عالمي واعدن تي عمل ۽ پاڪستان جي سڪيورٽي خدشن کي ختم ڪرڻ گهرجي. شفقت علي خان چيو ته افغان طالبان ٽي ٽي پي ۽ بي ايل اي سميت ٻين دهشتگرد ٽولن خلاف تصديق جوڳي ڪارروائي ڪن……..