پاڪستان جي نئين حڪومت سان ڪم ڪرڻ لاءِ تيار آهيون: ميٿو ملر

آمريڪي پرڏيهي کاتي جي ترجمان ميٿيو ملر چيو آهي ته هو ٽوئيٽر سميت سوشل ميڊيا  پليٽ فارمز تي جزوي يا مڪمل سرڪاري بندش جي مذمت ڪن ٿا. ميٿيو ملر واشنگٽن ۾ پريس بريفنگ ۾ چيو ته هو سڄي دنيا وانگر پاڪستان ۾ به اظهار راءِ جي آزادي جي حمايت ڪن ٿا. هن چيو ته پاڪستان ۾ نئين حڪومت قائم ٿي چڪي آهي ۽ ان حڪومت سان گڏجي ڪم ڪندا. ميٿيو ملر چيو ته پاڪستاني اختيارين سان انهن بنيادي آزادين جي احترام جي اهميت تي زور ڏيندا آهن ۽ ڏيندا رهندا. ترجمان چيو ته پاڪستاني چونڊن ۾ بيضابطگين جون رپورٽون ۽ نتيجن تي سياسي جماعتن جون دعوائون سامهون آهن، انهن بي ضابطگين جي مڪمل جاچ ٿيندي ڏسڻ چاهين ٿا……