آمريڪا چيو آهي ته پاڪستان خطي ۾ سندن جو اهم شراڪتدار آهي، هو پاڪستان سان لاڳاپا مضبوط ڪرڻ جي ڪوشش ڪندا.
آمريڪي پرڏيهي کاتي جي نائب ترجمان ويدانت پٽيل پريس بريفنگ ۾ چيو آهي ته پاڪستان خطي ۾ سندن اهم ڀائيوار آهي، پاڪستان سان سيڪيورٽي ۽ واپاري شعبن ۾ خاص ڀائيواري آهي.
ويدانت پٽيل چيو ته هو پاڪستان سان سيڪيورٽي ۽ واپار جي شعبن ۾ سهڪار ڪن ٿا، پاڪستان سان سندن مضبوط لاڳاپا آهن ۽ ان کي وڌيڪ مضبوط ڪرڻ جي ڪوشش ڪندا.
آمريڪي اسٽيٽ ڊپارٽمينٽ جي نائب ترجمان جو چوڻ هو ته آزاد پريس جو جمهوريت ۾ لازمي ڪردار هوندو آهي، هنن کي باقاعدگي سان پريس کان سوالن کي منهن ڏيڻو پوي ٿو.
ويدانت پٽيل وڌيڪ چيو ته آمريڪي انصاف وارو کاتو سک اڳواڻ تي حملي جي معاملي جي جاچ ڪري رهيو آهي.
