پاڪستان رينجرز ڀارت طرفان سمگلنگ جي وڏي ڪارروائي ناڪام بڻائڻ ڇڏي.

آءِ ايس پي آر طرفان جاري ڪيل بيان ۾ چيو ويو ته 29 جولاءِ کان 3 آگسٽ تائين مداخلت جي ڪوشش ۾ 6 ڀارتي سمگلر گرفتار ڪيا ويا.

ترجمان چيو ته گرفتار ڀارتي شهري منشيات ۽ هٿيارن جي سمگلنگ ۾ملوث آهن.

آءِ ايس پي آر موجب  گرفتار ڀارتي شهرين ۾ فيروزپور جو رهواسي گرميج سنگهه، شندر سنگهه، جگندر سنگهه ۽ وشال سنگهه شامل آهن.

پاڪ فوج جي ترجمان چيو ته جالنڌر جو مهندر سنگهه ۽ لڌيانا جو گر وندر سنهه کي به گرفتار ڪيو ويو آهي.

گرفتار سمگلرن خلاف پاڪستان ۾ غير قانوني داخلا ۽ رياست مخالف سرگرمين تي پاڪستاني قانونن موجب ڪارروائي ٿيندي.

آءِ ايس پي آر موجب ڀارتي سمگلرن جي بي ايس ايف جي نگرانيءَ  هيٺ بنا رنڊڪ چرپر حيران ڪندڙ آهي، اميد ته بي ايس ايف بارڊر تي نگرانيءَ جي نظام اثرائتو بڻائي سمگلرن سان ڳٺجوڙ ختم ڪندي.