عالمي مالياتي اداري پاڪستان سان نئين پروگرام بابت ڳالهين جي شروعات ڪرڻ لاءِ راضپو ظاهر ڪري ڇڏيو

آءِ ايم ايف پاڪستان سان نئين پروگرام تي ڳالهيون شروع ڪرڻ لاءِ راضپو ظاهر ڪيو آهي. آءِ ايم ايف ترجمان جو چوڻ آهي ته پاڪستان سان ايندڙ ڪجهه مهينن ۾ نئين پروگرام تي ڳالهين لاءِ تيار آهن. ترجمان موجب، ايندڙ ڪجهه هفتن ۾ پاڪستاني ترقي بابت اڳڪٿي جاري رکندا. ان کان اڳ آءِ ايم ايف جي ڪميونيڪيشن ڊائريڪٽر جولي ڪوزيڪ جو چوڻ هو ته پهريون جائزو جائزو مڪمل ٿيڻ کانپوءِ پاڪستان جي اقتصادي ۽ مالياتي صورتحال بهتر ٿي آهي. سندس چوڻ هو ته اسٽينڊ باءِ معاهدي تحت پاڪستان کي ٽي ارب ڊالر جي ادائيگي ٿيندي، اميد آهي ته آءِ ايم ايف بورڊ جي ميٽنگ هلندڙ مهيني جي آخر ۾ ٿيندي.