پاڪستان ۾ گذريل سال ڪرپشن ۾ گهٽتائي سبب رينڪنگ ۾ ست درجا بهتري آئي آهي

پاڪستان ۾ گذريل سال ڪرپشن ۾ گهٽتائي سبب رينڪنگ ۾ ست درجا بهتري آئي آهي. ٽرانسپيرنسي انٽرنيشنل 180 ملڪن جي ڪرپشن انڊيڪس جاري ڪري ڇڏي جنهن موجب پاڪستان جي ڪرپشن ۾ گهٽتائي جو اسڪور 2 پوائنٽ وڌڻ بعد 27 کان 29 ٿي ويو. رپورٽ ۾ چيو ويو آهي ته  2023ع ۾ پاڪستان ۾ ڪرپشن ۾ گهٽتائي رڪارڊ ڪئي وئي جڏهن ته مجموعي رينڪنگ ۾ به پاڪستان 140 مان 133 نمبر تي اچي ويو. رپورٽ موجب، پي ڊي ايم حڪومت ۾ پاڪستان جي سي پي آءِ اسڪور هڪ سئو مان 29 رهيو جڏهن ته 2022ع ۾ پاڪستان جو سي پي آءِ اسڪور 27 ۽ رينڪنگ 140 هئي. رپورٽ ۾ چيو ويو آهي ته پي ڊي ايم حڪومت ۾ بوٽم رينڪنگ ۾ بهتري سان پاڪستان 41 کان 48 نمبر تي آيو، 2022ع ۾ پي ٽي آءِ حڪومت ۾ پاڪستان بوٽم رينڪنگ ۾ 41 نمبر تي هو