پاڪ – ايران ڇڪتاڻ جي خاتمي لاءِ چين ٽياڪڙي جي آڇ ڪري ڇڏي

چين، پاڪ ايران ڇڪتاڻ ختم ڪرڻ لاءِ ٽياڪڙي جي آڇ ڪندي چيو آهي ته بيجنگ پاڪ ايران اختلاف ختم ڪرائڻ لاءِ تعميري ڪردار ادا ڪرڻ لاءِ تيار آهي. ڪراچي ۾ چين جي قونصل جنرل يانگ يوڊونگ پنهنجي بيان ۾ چيو آهي ته پاڪستان ۽ايران خطي ۽ مسلم دنيا جا اهم ملڪ آهن. سندس چوڻ هو ته پاڪ-ايران اختلاف ڳالهين ذريعي حل ڪري سگھن ٿا، هو ٻنهي ملڪن کي چون ٿا ته اختلافن تي صبر جو مظاهرو ڪن. يانگ يوڊونگ جو چوڻ هو ته ٻئي ملڪ پنهنجا لاڳاپا گڏيل قومن جي چارٽر موجب اڳتي وڌائن، چين پاڪ ايران اختلاف ختم ڪرائڻ لاءِ تعميري ڪردار ادا ڪرڻ لاءِ تيار آهي.