پاڪ ڀارت مئچ کان اڳ ڀارتي ڪپتان روهت شرما ۽ ويرات ڪوهلي پنهنجا بيان جاري ڪري ڇڏيا

پاڪ ڀارت مئچ کان اڳ ڀارتي ڪپتان روهت شرما ۽ ويرات ڪوهلي پنهنجا بيان جاري ڪري ڇڏيا آهن. ڀارتي ڪپتان روهت شرما چيو آهي ته پاڪستان خلاف کيڏڻ هميشه چيلنج هوندو آهي، اسان لاءِ پاڪستان ٻي مخالف ٽيم آهي جنهن کي هارائڻ چاهيون ٿا. پاڪستان ۽ ڀارت وچ ۾ ٽي ٽوئنٽي ورلڊ ڪپ جو سڀ کان وڏو ميچ سڀاڻي نيويارڪ جي اسٽيڊيم ۾ کيڏيو ويندو، جنهن لاءِ اسٽيڊيم جون سموريون ٽڪيٽون وڪرو ٿي چڪيون آهن ۽ ان وڏي ميچ کان اڳ ڀارتي ڪپتان روهت شرما جو حوصلو عروج تي آهي ۽ ويرات ڪوهلي پنهنجي جذبات جو اظهار ڪيو. ڀارتي ڪپتان روهت شرما چيو آهي ته پاڪستان خلاف کيڏڻ هميشه چيلنج هوندو آهي، اسان لاءِ پاڪستان ٻي مخالف ٽيم آهي جنهن کي هارائڻ چاهيون ٿا، پاڪستان خلاف ميچ کي به ٻين ميچن وانگر ڏسڻ چاهيون ٿا. ويرات ڪوهلي جو چوڻ آهي ته پاڪستان خلاف ورلڊ ڪپ ۾ مختلف ماحول ۽ احساس هوندو آهي، جنهن کي اهم محسوس ڪري سگهجي ٿو، هن چيو ته پاڪستان ۽ ڀارت مئچ کان اڳ جو جوش ۽ جذبو هڪ مختلف تجربو هوندو آهي، پاڪ ڀارت ميچ کان اڳ اسٽيڊيم ٻاهران مداحن جو جوش ۽ جذبو اهڙين ميچن کي وڌيڪ اهم بڻائي ٿو… ياد رهي ته نيويارڪ ۾ سڀاڻي کيڏي ويندڙ پاڪ ڀارت ميچ دوران سيڪيورٽي جا اضافي انتظام ڪيا ويا آهن…..