پنجاب ۾ آءِ ٽي سٽي ٺاهي ويندي، ايئر ايمبولينس ۽ پنجاب ايجوڪيشن پروگرام شروع ڪيو ويندو: مجتبيٰ شجاع الرحمان

پنجاب اسيمبلي ۾ 44 سئو 80 ارب رپين جي ضمني بجيٽ پيش ڪئي وئي، ناڻي واري صوبيئ وزير مجتبيٰ شجاع الرحمان جو چوڻ آهي ته پنجاب ۾ آءِ ٽي سٽي ٺاهي ويندي، ايئر ايمبولينس ۽ پنجاب ايجوڪيشن پروگرام شروع ڪيو ويندو. پنجاب اسيمبلي اجلاس دوران ناڻي واري وزير مجتبيٰ شجاع الرحمان 44 سئو 80 ارب رپين جي ضمني بجيٽ پيش ڪئي، جنهن دوران مخالف ڌر جي ميمبر احتجاج ڪيو. بجيٽ تجويزون پيش ڪندي صوبائي وزير چيوته گذريل حڪومت سبب پنجاب تمام گهڻو پوئتي هليو ويو، صوبي جي ترقيءَ جو سفر ٻيهر شروع ٿي رهيو آهي.