پير جو ڳوٺ ڀرسان هٿياربندن ڦر مزاحمت تي گوليون هڻي نوجوان کي قتل ۽ هڪ ڄڻي کي زخمي ڪري ڇڏيو

پير جو ڳوٺ ڀرسان هٿياربندن ڦر مزاحمت تي گوليون هڻي نوجوان کي قتل ۽ هڪ ڄڻي کي زخمي ڪري ڇڏيو. ڳوٺ حسو ڪانهر روڊ تي موٽر سائيڪل سوار ٻن ڳوٺاڻن کان هٿياربندن  ڦر ڪرڻ جي ڪوشش ڪئي. مزاحمت ڪرڻ تي هٿياربندن گوليون گوليون هڻي نوجوان صدام پنهيار کي قتل ۽ بخت پنهيار کي زخمي ڪري فرار ٿي ويا. فائرنگ جي اطلاع تي ڳوٺاڻن واقعي واري هنڌ پهچي نوجوان جو لاش ۽ زخمي کي صحت مرڪز پيرجوڳوٺ منتقل ڪيو. مقتول صدام پنهيار ۽ زخمي بخت پنهيار ڳوٺ مينهون پنهيار جا رهواسي آهن، واقعي بابت پوليس کي اطلاع ڏنو ويو جنهن جاچ شروع ڪري ڇڏي. آخري اطلاعن تائين واقعي جو ڪيس داخل نه ٿي سگھيو هو ۽ نه ئي ڪا گرفتاري عمل ۾ اچي سگھي هئي.