پير وسڻ ويجهو  نوجوان غربت کان تنگ ٿي آپگهات ڪري ڇڏيو

پير وسڻ ويجهو  نوجوان غربت کان تنگ ٿي آپگهات ڪري ڇڏيو. ڳوٺ صاحب خان جلالاڻي ۾ اسد علي پٽ ربنواز سولنگي ڦاهو کائي پنهنجي زندگيءَ جو انت آندو. اطلاع ملڻ بعد پوليس واقعي واري هنڌ پهچي لاش تحويل ۾ وٺي اسپتال پهچايو جتان ضروري ڪارروائي بعد مڙهه وارثن حوالي ڪيو ويو. اسد علي سولنگيءَ جو مڙهه گهر پهچڻ تي ڪهرام مچي ويو. نوجوان جي وارثن جو چوڻ آهي ته اسد علي سولنگي غربت سبب گهڻن ڏينهن کان پريشان هو جنهن ڪري هن ڦاهو کائي آپگهات ڪري ڇڏيو آهي.