پير ڳوٺ ويجهو الرا ۽ جتوئي هلندڙ خوني تڪرار تان 4 ڄڻا زخمي

پير ڳوٺ ويجهو الرا ۽ جتوئي برادرين ۾ هلندڙ خوني تڪرار تان هٿياربندن زمين تي ويندڙ الرا برداري جي ماڻهن تي حملو ڪري ڏنو، جنهن جي نتيجي ۾ 4 ڄڻا زخمي ٿي پيا. ڪينگري جي ڪچي واري علائقي فيض محمد ٻنڍو ٿاڻي جي حد پڪا الرا ٻاهران هٿياربندن ڪيلن جي باغ تي ڪم ڪندڙ پورهيتن کي مارڪٽ ڪري مٿن فائرنگ ڪئي، جنهن جي نتيجي ۾ امان الله، غلام شبير، اعجاز احمد، فاروق احمد الرو سخت زخمي ٿي پيا جن کي اسپتال منتقل ڪيو ويو. ڌرين وچ ڪچي واري علائقي ۾ فائرنگ جو سلسلو هلندڙ هو، جڏهن ته حد جي پوليس الرا بچاءَ بند تي پهچي جهيڙي تي ضابطو آڻڻ لاءِ ڪوششون ڪري رهي آهي.