ڌاڙيلن لاءِ واضح پيغام آهي ته هٿيار ڦٽا ڪن ٻي صورت ۾ سندن انجام خراب ٿيندو :ضياءَ الحسن لنجار

صوبائي گهرو وزير ضياءَ الحسن لنجار چيو آهي ته ڌاڙيلن لاءِ واضح پيغام آهي ته هٿيار ڦٽا ڪن ٻي صورت ۾ سندن انجام خراب ٿيندو. گهوٽڪي ۾ وڪيلن جي ڪنوينشن دوران سنڌ ٽي وي نيوز سان ڳالهائيندي صوبائي گهرو وزير ضياء لنجار جو چوڻ هو ته گهوٽڪي جي ڪچي مان به گهربل ڏوهاري جلد پيش ٿيندا. صوبائي گهرو وزير ضياء لنجار جو چوڻ هو ته ڏوهارين خلاف حڪومت جي پاليسي واضح آهي. سندس چوڻ هو ته هنن بار اليڪشن ۾ ڪابه سياسي مداخلت ناهي ڪئي، مخالفن جا الزام اجايا آهن. صوبائي گهرو وزير ضياء لنجار جو چوڻ هو ته ٻئي گروپ ۾ به وڪيل آهن، انتقامي ڪارروائي ڪيئن ٿي سگهندي.