کهڙا ۾ مبينا طور مقامي ماڻهن جا کاتا تبديل ڪري زمين بااثرن کي ڏيڻ خلاف بک هڙتال

کهڙا ۾ قومپرست تنظيمن پاران ديهه وساڻ ۾ مبينا طور مقامي ماڻهن جا کاتا تبديل ڪري 375 ايڪڙ زمين بااثر کي ڏيڻ خلاف بک هڙتال ڪري 22 آگسٽ تي ڊي سي آفيس اڳيان ڌرڻو هڻڻ جو اعلان ڪيو ويو آهي.

قومپرست تنظيمن پاران قومي شاهراهه تي بک هڙتالي ڪيمپ قائم ڪري احتجاج ڪيو ويو.

قومپرست اڳواڻن جو چوڻ آهي ته سنڌ جون زمينون فراڊ ذريعي مقامي ماڻھن کي فوت ڄاڻائي سندن کاتا تبديل ڪري ڌارين کي ڏنيون پيون وڃن.

هنن چيو ته ضلعي خيرپور انتظاميا 375 ايڪڙ زمين بااثر حوالي ڪرڻ ۾ ملوث آھي. اڳواڻن چيو ته 22 آگسٽ تي زمينن جا جعلي کاتا رد ڪرڻ لاءِ ڊي سي خيرپور آفيس آڏو ڌرڻو هنيو ويندو.