ڪامران ٽسوريءَ بازياب ٿيل ٻارن ايان ۽ انابيه سان ملاقات ڪري کين ليپ ٽاپ ۽ عيد جي خرچي ڏني

سنڌ جي گورنر ڪامران ٽسوريءَ بازياب ٻارن ايان ۽ انابيه جي مڪمل سار سنڀال توڙي تعليمي خرچ برداشت ڪرڻ جو اعلان ڪيو آهي. ڪامران ٽسوريءَ بازياب ٿيل ٻارن ايان ۽ انابيه سان ملاقات ڪري کين ليپ ٽاپ ۽ عيد جي خرچي ڏني. ان موقعي تي ڳالهائيندي گورنر ڪامران ٽسوريءَ چيو ته ايان ۽ انابيه ٻن ورهين کان اسڪول ناهن ويا، اها افسوس جوڳي ڳالهه آهي، جلد ٻنهي کي اسڪول داخل ڪرايو ويندو. هن چيو ته اهڙا سمورا ٻار جن جا والدين عليحدگي ٿي وئي آهي اهي پنهنجن مسئلن لاءِ ساڻس رابطو ڪري سگهن ٿا. گورنر چيو ته هو اهڙن ٻارن جا تعليمي خرچ برداشت ڪرڻ لاءِ تيار آهي