ڪامران ٽسوري صوبي جي شهرين کي چوري ٿيل موٽرسائيڪلن ۽ موبائل فونن جي بدلي نيون موٽرسائيڪلون ۽ موبائل فون ڏيڻ جو اعلان

سنڌ جي گورنر ڪامران ٽسوري صوبي جي شهرين کي چوري ٿيل موٽرسائيڪلن ۽ موبائل فونن جي بدلي نيون موٽرسائيڪلون ۽ موبائل فون ڏيڻ جو اعلان ڪيو آهي، سندس چوڻ آهي ته اسٽريٽ ڪرائيم سبب شهري پريشانين کي منهن ڏئي رهيا آهن، سنڌ جي شهرين کي چوري ٿيل موٽرسائيڪل جي بدلي موٽرسائيڪل ڏني ويندي، موبائل فون ڦر ٿي ته مالڪن کي سمارٽ فون ڏني ويندي. ڪراچيءَ ۾ ميڊيا سان ڳالهائيندي ڪامران ٽسوري چيو ته اسٽريٽ ڪرائيم سبب عام شهري تمام گهڻا پريشان آهن، اسٽريٽ ڪرائيم سبب شهرين کي سفري ڏکيائين کي منهن ڏيڻو پئي ٿو. سندس چوڻ هو ته سنڌ جي شهرين کي چوري ٿيل موٽرسائيڪل جي بدلي موٽرسائيڪل ڏني ويندي. سنڌ جي گورنر ڪامران ٽسوري چيو ته موبائل فون ڦر ٿي ته مالڪن کي سمارٽ فون ڏني ويندي