ڪراچيءَ ۾ ڦورن هٿان ڍورو نارو واسي نوجوان قتل ۽ سندس والد زخمي

ڪراچيءَ ۾ ڦورن هٿان ڍورو نارو واسي نوجوان قتل ۽ سندس والد زخمي ٿي پيو آهي. ڪراچيءَ جي ناظم آباد واري علائقي مان دعوت تان واپسي تي ڍورو نارو جي ڳوٺ صابو فقير واسي موٽرسائيڪل سوار فيض محمد مڱريو ۽ سندس والد فتح محمد مڱريو کان ڦورن ڦر جي ڪوشش ڪئي. مزاحمت تي هٿياربندن گوليون هڻي فيض محمد مڱريو کي قتل ۽ سندس والد فتح محمد کي زخمي ڪري ڇڏيو. واقعي جو اطلاع ملڻ بعد پوليس واقعي واري هنڌ پهچي مقتول نوجوان جو لاش ۽ زخمي کي کڻائي اسپتال پهچايو. نوجوان جي قتل بعد سندس اباڻي علائقي ۾ سوڳ وارو ماحول ڇائنجي ويو ۽ گهر ۾ ڪهرام مچي ويو. ٻڌايو پيو وڃي ته فيض محمد مڱريو ڪراچيءَ ۾ تعليم حاصل ڪري رهيو هو ۽ سندس والد سرڪاري ملازم آهي……..