ڪراچي جي ميئر مرتضيٰ وهاب شهر جي مختلف علائقن جو دورو ڪري نالن جي صفائي جي ڪم جو جائزو ورتو

ڪراچي جي ميئر مرتضيٰ وهاب شهر جي مختلف علائقن جو دورو ڪري نالن جي صفائي جي ڪم جو جائزو ورتو. رات ديرن سان ميئر ڪراچي اول سٽي ايريا جي مختلف علائقن جو دورو ڪيو. ان موقعي تي بيرسٽر مرتضيٰ وهاب نالن جي ۽گند ڪچري جي صاف ڪرڻ جي ڪمن جو جائزو ورتو. سنڌ سالڊ ويسٽ مينجمينٽ عملدار ميئر کي صفائي سٿرائي جي حوالي سان بريفنگ ڏيندي چيو ته سڄي شهر ۾ صفائي جي ڪري هن ڀيري برسات جو پاڻي ڪٿي ناهي بيٺو. عملدارن ميئر کي ٻڌايو ته امڪاني برساتن کي نظر ۾ رکندي نالن جي بروقت صفائي کي به يقيني بڻايو پيو وڃي. ان موقعي تي ميئر ڪراچي هدايت ڪئي ته سڄي شهر ۾ صفائي جي نظام کي بهتر بڻايو وڃي، بنا ڪنهن فرق جي شهرين جي خدمت ڪرڻ آهي.