ڪراچي : سچل ڳوٺ واري علائقي ۾ پوليس ۽ قانون لاڳو ڪندڙ ادارن جي گڏيل ڪارروائي ، پابندي مڙهيل تنطيم جي ٻن جوابدارن گرفتار

ڪراچي جي سچل ڳوٺ واري علائقي ۾ پوليس ۽ قانون لاڳو ڪندڙ ادارن جي گڏيل ڪارروائي دوران پابندي مڙهيل تنطيم جي ٻن جوابدارن کي گرفتار ڪري سندن قبضي مان دستي بم هٿ ڪرڻ جي دعوى ڪئي آهي. ايس ايس پي اوڀر سيد عرفان بهادر جو چوڻ آهي ته ڳجهي اطلاع تي پوليس ۽ قانون لاڳو ڪندڙ ادارن جي اهلڪار گڏيل ڪارروائي ڪري هڪ هنڌ ڇاپو هنيو ته جوابدارن فائرنگ ڪري ڏني. ايس ايس پي موجب، پوليس جي جوابي فائرنگ ۾ ٻن اغوا ڪارن کي زخمي حالت ۾ گرفتار ڪري سندن قبضي مان هڪ دستي بم هٿ، هڪ ڪلاشنڪوف ۽ پسٽل هٿ ڪيو ويو. ايس ايس پي موجب، زخمي جوابدارن ۾ شاهه حسين ۽ شاڪر الله شامل آهن، شروعاتي طور تي ٻنهي جو تعلق پابندي مڙهيل دهشتگرد تنظيم سان آهي، وڌيڪ پڇا ڳاڇا ڪئي پئي وڃي.