ڪراچي واسين کي بجليءَ جو زودار جهٽڪو، بجلي 10 رپيا هڪ پيسا في يونٽ مهانگي

حڪومت ڪراچي واسين تي به بجلي بم ڪيرائيندي اگهن ۾ وڏو اضافو ڪري ڇڏيو. نيشنل اليڪٽرڪ پاور ريگوليٽري اٿارٽي پاران ڪي اليڪٽرڪ واهپيدارن لاءِ بجلي مهانگي ڪرڻ جو نوٽيفڪيشن جاري ڪيو ويو آهي. نيپرا طرفان جاري ڪيل نوٽيفڪيشن ۾ چيو ويو آهي ته ڪراچي لاءِ بجلي ڏهه رپيا هڪ پيسا في يونٽ مهانگي ڪئي وئي آهي جڏهن ته بجلي هر مهيني جي فيول ايڊجسٽمينٽ جي مد ۾ مهانگي ڪئي وئي. نوٽيفڪيشن موجب، جون ۾ 2 رپيا 68 پيسا، جولاءِ ۾ 3 رپيا 11 پيسا،  آگسٽ ۾ 3 رپيا 22 پيسا ۽ سيپٽمبر ۾ هڪ رپيا في يونٽ اضافي وصول ڪيا ويا. نيپرا نوٽيفڪيشن ۾ وڌيڪ چيو ويو آهي ته اضافو ڪي اليڪٽرڪ جي لائف لائن ۽ اليڪٽرڪ وهيڪل چارجنگ اسٽيشن تي لاڳو نه ٿيندو.