ڪراچي ۾ جماعت اسلامي  جي سڏ تي اسرائيلي جارحيت خلاف ۽ فلسطينين سان ٻڌي طور ملين مارچ

ڪراچي ۾ جماعت اسلامي  جي سڏ تي اسرائيلي جارحيت خلاف ۽ فلسطينين سان ٻڌي طور ملين مارچ ڪيو ويو. جماعت اسلامي جي امير حافظ نعيم الرحمان ۽ ڪراچي جي امير معظم ظفر خان جي اڳواڻي ۾ ملين مارچ ڪيو ويو، جنهن ۾ ڪارڪنن سميت وڏي انگ ۾ عورتن ۽ ٻارڙن شرڪت ڪئي. ملين مارچ ۾ ٻارڙن ۽ نوجوانن فلسطيني لباس پائي اسرائيل خلاف سخت نعريبازي ڪئي. ان موقعي تي خطاب ڪندي حافظ نعيم الرحمان سنڌ ٽي وي نيوز سان ڳالھائيندي چيو ته حماس اسرائيل کي شڪست ڏئي چڪو آھي، جنھن بعد ھو پنھنجي شڪست کي انا جو مسئلو بڻائي شھري آبادي کي نشانو بڻائي رھيو آھي. حافظ نعيم الرحمان چيو ته عالمي انصاف واري عدالت چئي چڪي آھي ته اسرائيل فلسطين مٿان بمباري بند ڪري، انڪري گڏيل قومن کي فلسطينين جي حق ۾ آواز اٿارڻ گھرجي……