ڪراچي ۾ ڊمپر ۽ ٽرالر جي حادثن ۾ وڌيڪ 2 ڄڻا  فوت ، هڪ  ڄڻو زخمي

ڪراچي ۾ ڊمپر ۽ ٽرالر جي حادثن ۾ وڌيڪ 2 ڄڻا  فوت ٿي ويا، هڪ  ڄڻو زخمي ٿي پيو. ڪراچي جي علائقي ملير ڪورٽ ويجهو ٽرالر ۽ موٽرسائيڪل وچ ۾ ٽڪر ٿي پيو، حادثي جي نتيجي ۾ عامر فوت ۽ ساجد زخمي ٿي پيو، حادثي بعد ڊرائيور ٽرالر ڇڏي فرار ٿي ويو. ٻئي پاسي ڪارساز ويجهو شاهراهه فيصل تي حادثي ۾ زخمي ٿيل محمد شاڪر علاج دوران فوت ٿي ويو. فوتي شاڪر موٽرسائيڪل تي ڊمپر جي پٺئين حصي سان ٽڪرائجي ويو هو. پوليس موجب وارث وارث بنا ڪاروائي جي لاش  جناح اسپتال مان گهر کڻائي ويا. واضح رهي ته ڪراچي ۾ هلندڙ سال جي ٻن مهينن ۾ ٽرئفڪ حادثن ۾ 119 ڄڻا فوت ٿي چڪا آهن، فوتين ۾ 87 مرد، 16 عورتون ۽ 16 ٻار شامل  آهن.