- Advertisement -
خيبرپختونخوا جي ڪرم ضلعي ۾ سڪيورٽي فورسز ڳجهي معلومات جي بنياد تي ٻه ڌار ڌار ڪارروايون ڪيون جن ۾ ڀارتي حمايت يافته 30 دهشتگرد مارجي ويا.
آءِ ايس پي آر موجب خارجي دهشتگردن جي موجودگي جي اطلاع تي سڪيورٽي فورسز مهمند ضلعي ۾ آپريشن ڪيو.
ترجمان موجب سڪيورٽي فورسز جي آپريشن دوران خارجي دهشتگردن جي ٿاڪن کي نشانو بڻايو ويو.
ترجمان موجب آپريشن دوران چار خارجي دهشتگرد مارجي ويا.
آءِ ايس پي آر موجب لڪي مروت ۾ به سڪيورٽي فورسز جي آپريشن جي نتيجي ۾ 2 دهشتگرد مارجي ويا آهن.
ٻئي طرف ٽانڪ ۾ سڪيورٽي فورسز جي ٽئين ڪارروائي ۾ هڪ وڌيڪ دهشتگرد مارجي ويو.
آءِ ايس پي آر جو چوڻ آهي ته ڪرم ضلعي ۾ هڪ جاءِ تي خارجين جي موجودگي جو اطلاع ملڻ تي سڪيورٽي فورسز علائقي کي ڪڙو چاڙهيو.
آءِ ايس پي آر موجب، ڪارروائي دوران فائرنگ جي ڏي وٺ ۾ ڀارتي حمايت يافته 12 خارجي مارجي ويا آهن.
آءِ ايس پي آر جو چوڻ آهي ته ڪرم ۾ ئي دهشتگردن جي هڪ ٻي ٽولي جي موجودگي جي ڳجهي اطلاع تي سڪيورٽي فورسز آپريشن ڪيو.
آءِ ايس پي آر موجب، ڪارروائي دوران 11 خارجين کي جهنم ڀيڙو ڪيو ويو.
آءِ ايس پي آر جو چوڻ آهي ته مارجي ويل خارجي ڀارتي سرپرستي ۾ دهشتگردي جي رٿابندي ۽ ڪاررواين ۾ ملوث هئا.
آءِ ايس پي آر موجب، علائقي ۾ وڌيڪ دهشتگردن جي ڳولا لاءِ ڪليئرنس آپريشن جاري آهي.
آءِ ايس پي آر جو چوڻ آهي ته آپريشن عزم استحڪام تحت دهشتگردي جي خاتمي لاءِ آپريشن جاري رهندو، سڪيورٽي فورسز ۽ قانون لاڳو ڪندڙ ادارا دهشتگردي جي خاتمي لاءِ پرعزم آهن……….
- Advertisement -
