ڪنري ۾ پوليس عدالتي حڪم تي زميندار تي ڇاپو هڻي عورتن ۽ ٻارڙن سميت 15 هارين کي بازياب ڪرائي ورتو

ڪنري ويجهو عدالتي حڪم تي پوليس زميندار جي زمين تي ڇاپو هڻي عورتن ۽ ٻارڙن سميت 15 هارين کي بازياب ڪرائي ورتو.

ڳوٺ چوڌري ظهير زميندار جي زمين تي ڇاپو هڻي مبينا طور باندي بڻايل ڪيول، جمينا، راجو، سنجي، آنند، لاکو، پريمي سميت ٻين کي بازياب ڪرايو.

ان موقعي تي هارين دانهيندي چيو ته زميندار چوڌري ظهير  حساب ڪتاب نه ڪندو هو ۽ بيمار ٿيڻ جي صورت ۾ علاج نه ڪرائيندو هو، مجبور ٿي سيشن ڪورٽ ۾ درخواست داخل ڪرائي. پوليس موجب سيشن ڪورٽ ۾ ساجد ڀيل درخواست داخل ڪرائي هئي، عدالتي حڪم تي ڇاپو هڻي هارين کي بازياب ڪرايو، سڀاڻي کين عدالت ۾ پيش ڪيو ويندو.