ڪوٽڙي: ڌاري آبادڪاري خلاف احتجاجي مظاهرو

ڪوٽڙي ۾ سنڌ ترقي پسند پارٽي طرفان سنڌ ۾ غيرقانوني طور رهندڙ افغانين جي نيڪالي لاءِ احتجاجي مظاهرو  ڪري ڌرڻو هنيو ويو. ايس ٽي پي ڪارڪنن طرفان بادل خان نوحاڻي، يونس اوٺو ۽ ٻين جي اڳواڻي ۾ ايس ايس پي ڄامشورو آفيس آڏو ڌرڻو هنيو ويو. احتجاج ڪندڙن جو چوڻ هو ته سنڌ ۾ افغانين منظم طريقي سان آباد ڪيو پيو وڃي. مظاهرين چيو ته پنجاب ۽ ڪي پي مان افغانين کي نيڪالي ڏني پئي وڃِي، جڏهن ته سنڌ ۾ غير قانوني طور ترسيل افغانين خلاف  اثرائتي ڪارروائي نه پئي ڪئي وڃي. هنن مطالبو ڪيو ته سنڌ ۾ رهندڙ افغانين سميت سمورن پرڏيهين کي نيڪالي ڏني وڃي.