ڪيٽي بندر: 4 ڏينهن اڳ سمنڊ ۾ ٻڏي ويل 14 مهاڻا هٿ نه اچي سگهيا، وارث پريشان

ڪيٽي بندر ويجهو سمنڊ ۾ ٻڏي ويل 14 ڄڻا اڃا تائين هٿ نه اچي سگهيا آهن، پاڪ نيوي، ميري ٽائيم سڪيورٽي، مقامي ٽوٻن پاران ٻڏي ويلن جي ڳولا جاري آهي. چار ڏينهن اڳ حجامڙو ڪريڪ وٽ اونهي سمنڊ ۾ ٻيڙي اونڌي ٿيڻ سبب ٻڏي ويل 14 ڄڻا اڃا تائين هٿ نه اچي سگهيا آهن. پ پ چيئرمين بلاول ڀٽو زرداري ۽ سنڌ جي وڏي وزير پاران نوٽيس وٺڻ بعد ٻڏي ويل ملاحن جي ڳولا جو عمل تيز ڪيو ويو آهي. پاڪ نيوي، ميري ٽائيم سڪيورٽي، مقامي ٽوٻن جي مدد سان ٻڏي ويل مهاڻن جي ڳولا جاري آهي. ٻڏي ويل ملاحن جو تعلق ڪراچي جي علائقي ابراهيم حيدري  سان آهي.