ڳڙهي ياسين  ۾ گذريل ڏينهن اسڪول ۾ ناقص مٽيريل استعمال ڪرڻ خلاف استادن جي احتجاج خبر جو نوٽيس

ڳڙهي ياسين  ۾ گذريل ڏينهن اسڪول ۾ ناقص مٽيريل استعمال ڪرڻ خلاف استادن جي احتجاج خبر سنڌ ٽي وي نيوز تي نشر ٿيڻ جو فرسٽ سول جج ۽ جوڊيشل مئجسٽريٽ نوٽيس وٺي ڇڏيو.

ڳڙھي ياسين جي فرسٽ سول جج ۽ جوڊيشنل مئجسٽريٽ مير حسن نوناري گورنمينٽ بوائز پرائمري اسڪول مجيديه جو دورو ڪيو ۽ ڪلاس روم جا ڇاپڙ ڪرڻ سبب زخمي ٿيل استاد سيد مظهر علي شاھ ۽ اسڪول جي هيڊ ماستر نويد پٺاڻ کان اسڪول جي مرمتي ڪم جا تفصيل ورتا.

فرسٽ سول جج مير حسن نوناري اسڪول جي تعميراتي ڪم تي ڳڻتي جو اظهار ڪندي، اسڪول جي هيڊ ماستر ۽ استادن کي يقين ڏياريو ته ڪم جي شفاف انڪوائري ڪرائي ويندي ۽ ملوث ايجوڪيشن ورڪس جي آفيسرن ۽ ٺيڪيدار خلاف ڪرپشن ڪيس داخل ڪرايو ويندو.