پ پ اڳواڻ ۽ اڳوڻي وفاقي وزير عبدالقادر پٽيل چيو آهي ته 2018ع ۾ مينار پاڪستان ۾ پي ٽي آءِ چيئرمين هو 2023ع ۾ نوازشريف آهي، رڳو پوسٽر تبديل ٿئي ٿو فلم ساڳي آهي.
ڪراچي ۾ پريس ڪانفرنس ڪندي عبدالقادر پٽيل چيو ته پ پ واحد پارٽي آهي، جنهن عدالتي جبر کي منهن ڏنو، اڄ تائين شهيد ڀٽو جو ڪيس هلي رهيو آهي.
هن چيو ته اليڪشن ڪميشن طرفان اڃا تائين چونڊن جو اعلان ناهي ڪيو ويو، پليٽيليٽس گهٽجڻ جي ڪري ڪجهه ماڻهن کانسواءِ سڀني جو علاج ملڪ ۾ ٿي ويندو آهي.
قادر پٽيل چيو ته ايم ڪيو ايم اردو ڳالهائيندي جي نمائندگي نه ٿي ڪري، ڪجهه ماڻهن جي ٽولي مڪاني چونڊن جو بائيڪاٽ ڪيو.
پ پ اڳواڻ چيو ته ڪياماڙيءَ جي 32 يونين ڪميٽين مان 30 پ پ کٽيون آهن، هڪ ڪو سردار نه پر پ پ جو ڪارڪن آهي، جنهنکيس وزير بڻايو……..
