2018 کان شروع ٿيل نااهلي عوام 2022 تائين ڀوڳي، زوري آندل ماڻهن لاهور کي تباهه ڪري ڇڏيو: مريم نواز

ن ليگ جي   چيف آرگنائيزر مريم نواز چيو آهي ته 2018 کان شروع ٿيل نااهلي عوام 2022 تائين ڀوڳي، زوري آندل ماڻهن لاهور کي تباهه ڪري ڇڏيو، هاڻي شهر ۾ ڪير ڪچرو کڻڻ وارو به ناهي. لاهور ۾ اجلاس کي خطاب ڪندي مريم نواز چيو ته نواز شريف کي ڪڍيو وڃي ته ملڪ ۾ تباهي کانسواءِ ڪجهه به ناهي رهندو. هن چيو ته عوام ڄاڻي ٿو ته ڪم ڪنهن ڪيا ۽ سياسي انتقام ڪنهن ورتو. مريم نواز چيو ته عوام کي خبر آهي ته ڪير ساڻن ڪوڙ ڳالهائيندو رهيو، ملڪ کي مسئلن مان ڇوٽڪارو رڳو ن ليگ ئي ڏياري سگهي ٿي. ن ليگ جي چيف آرگنائيزر چيو ته ماضي جي حڪومت ڪي پي ۾ رشوت جي بازار گرم ڪري پنهنجا کيس ڀريا هن چيو ته نواز شريف ڪارڪردگي جي بنياد تي سموري ملڪ ۾ ترقياتي ڪمن جو ڄار وڇايو، ڏهن سالن دوران ڪي پي ۾ رڳو تجربا ڪيا ويا آهن.. ن ليگ جي چيف آرگنائيزر چيو ته 2018 کان شروع ٿيل نااهلي عوام 2022 تائين ڀوڳي، زوري آندل ماڻهن لاهور کي تباهه ڪري ڇڏيو، هاڻي شهر ۾ ڪير ڪچرو کڻڻ وارو به ناهي. …..