ن ليگ اڳواڻ راڻا ثناءُ الله چيو آهي ته مهانگائي، دهشتگردي ۽ لوڊشيڊنگ کان وڏو ڪو به چئلينج ناهي، هو چونڊن جي تياري شروع ڪري چڪا آهن، ڪاميابي ماڻي هو وفاق ۽ پنجاب ۾ حڪومت ٺاهيندا، جنهن بعد مهانگائي ختم ڪئي ويندي.
لاهور ۾ پريس ڪانفرنس ڪندي راڻا ثناءُ الله چيو ته فتني جي ناڪامي ملڪ کي وڏي مهانگي پئي، 21 آڪٽوبر واري جلسي ۾ سموري ملڪ مان ماڻهو شريڪ ٿيا.
هن چيو ته هو چونڊن جي تياري شروع ڪري چڪا آهن، ڪاميابي ماڻي هو وفاق ۽ پنجاب ۾ حڪومت ٺاهيندا، جنهن بعد مهانگائي ختم ڪئي ويندي.
راڻا ثناءُ الله چيو ته نوازشريف ٻين صوبن ۾ دورا ڪندو، جيلن ۾ وڌو ويو پر ان باوجود هو بيٺل رهيا، ڇا پنجاب ۾ قومي اسيمبلي جي سڀ کان وڏي پارٽي ن ليگ نه هئي؟
ن ليگ اڳواڻ چيو ته 2018ع جي چونڊن ۾ ڏکيائين باوجود هنن ڪاميابي حاصل ڪئي، هڪ ڀيرو ٻيهر هو ملڪ کي بحرانن مان ڪڍندا
