نواز شريف وزيراعظم بڻجندو، ڪراچي دوري جو مقصد واضح آهي هو هتي سياسي سماجي رابطا ڪرڻ آيا آهن

مسلم ليگ نون جي اڳواڻن چيو آهي ته ڪنهن کي مائنس ڪرڻ ن ليگ جي ايجنڊا ۾ شامل ناهي، هو سڀني جا ٿورائتا آهن جن کي يقين آهي ته نواز شريف وزيراعظم بڻجندو، ڪراچي دوري جو مقصد واضح آهي هو هتي سياسي سماجي رابطا ڪرڻ آيا آهن، متحده سان ملاقات ۾ ڪراچي جي ترقي لاءِ آئيني ترميم تي ڳالهيون ٿينديون، اين ايف سي ايوارڊ ۾ شهرن جي حصي تي به غور ڪيو ويندو، هڪ ٻئي خلاف چونڊ وڙهڻ سان گڏ سياسي پارٽين ۾ ڳالهيون ضروري آهن، سياستدانن کي ذاتي حملن کان پاسو ڪرڻ گهرجي. ڪراچي پريس ڪلب ۾ پريس ڪانفرنس ڪندي ن ليگ اڳواڻ خواجا سعد رفيق ۽ سردار اياز صادق چيو ته 14 نومبر تي نواز شريف بلوچستان جي ٻن ڏينهن جي دوري تي روانو ٿيندو جنهن دوران ڪجهه اڳواڻ ن ليگ ۾ شامل ٿيندا. سندن چوڻ هو ته ڪراچي دوري جو مقصد واضح آهي هو هتي سياسي سماجي رابطا ڪرڻ آيا آهن، ايم ڪيو ايم سان ملاقات ۾ ڪراچي جي ترقي لاءِ آئيني ترميم تي ڳالهيون ٿينديون ۽ اين ايف سي ايوارڊ ۾ شهرن جي حصي تي به غور ڪيو ويندو. ن ليگ اڳواڻ خواجا سعد رفيق ۽ سردار اياز صادق چيو ته پير پاڳاري، جي يو آءِ اڳواڻن ۽ ٻين سان ايندڙ چونڊن بابت ڳالهيون ڪيون ويون آهن جڏهن ته پير پاڳاري سان طئي ٿيو ته اڳتي به رابطا جاري رکيا ويندا، ن ليگ جي حڪومت آئي ته سڀني کي گڏ کڻي هلندا. هنن چيو ته هڪ ٻئي خلاف چونڊ وڙهڻ سان گڏ سياسي پارٽين ۾ ڳالهيون ضروري آهن، سياستدانن کي ذاتي حملن کان پاسو ڪرڻ گهرجي، تحريڪ انصاف ملڪ جي سياست کي گندو ڪيو. ن ليگ اڳواڻ خواجا سعد رفيق ۽ سردار اياز صادق چيو ته سنڌ جي ٻهراڙيءَ وارن علائقن ۾ بي يقيني واري صورتحال آهي،