پ پ خلاف اتحاد ٺھندا رهندا آهن پر پيپلزپارٽي جو ڪير به مقابلو نٿو ڪري سگهي: نثار کھڙو

پ پ سنڌ جي صدر نثار کھڙي چيو آھي تھ هر اليڪشن ۾ پ پ خلاف اتحاد ٺھندا رهندا آهن پر پيپلزپارٽي جو ڪير به مقابلو نٿو ڪري سگهي. پ پ سنڌ جي صدر نثار کهڙي بلاول ڀٽو جي ٿر آمد جي حوالي سان رٿيل جلسي واري ھنڌ جو دورو  ڪيو. ان موقعي تي نثار کھڙي ميڊيا سان ڳالھائيندي چيو تھ پاڪستان پيپلزپارٽي سدائين جمهوري اقتدار لاءِ جدوجهد ڪئي آهي، ھو چاهين ٿا ته اليڪشن ٿئي. ھن چيو تھ سڀاڻي هندو برادري جي ڏياري جي خوشين ۾ بلاول ڀٽو شريڪ ٿيندو، جيڪو ٿر جي ماڻهن سان محبت جو چٽو ثبوت آهي. سندس چوڻ ھو تھ پيپلزپارٽي آئين بڻايو آهي، آئين ذلفقار علي ڀٽو ٺاهيو ۽ جمهوريت شهيد محترمھ بينظير ڀٽو وٺي، اها پيپلزپارٽي جي جدوجهد آهي جيڪا مسلسل پنهنجي حصي جو ڪردار ادا ڪندي پئي اچي. نثار کھڙي چيو تھ هر اليڪشن ۾ پيپلزپارٽي جي خلاف اتحاد ٿيندا رهندا آهن پر پيپلزپارٽي جو ڪير به مقابلو نٿو ڪري سگهي. ان موقعي تي  پ پ ضلعي صدر انجنيئر گيانچند ٿاراڻي،  منوج ملاڻي، نندلال مالهي، وڪيل ميئن بجير ، قاسم سراج سومرو، دوست علي راهمون ۽ ٻيا موجود ھئا..